من طرف قصيده جميله وجدتها بموقع اليوتيوب كلماتها روعه
اتمنى تسمعوها وتقرونها
وتعجبكم
انانى
خلني بحالي وروح اذا ودك تروح
لاتشيل همـي دام قلبـك جفانـي
بتغيب غيب وراسك الغالي مسموح
تـرى غيابـك مايحـرك كيانـي
صدقني متعود اذا ضقت مابـوح
والله ماتفـرق معـي يـا انـانـي
هذا انا من الله خلق فيني الـروح
كل ماانتهى جرح يجي جرح ثانـي
شفني مع الضيقات واشلون ماتروح
شفني وشوف ايش سوى فيني زماني
دنياي صارت كلها جروح بجـروح
اصـلا انـا مخلـوق بـس للامانـي
الهم والصدمات والثالـث النـوح
جوني يزفـون بحياتـي التهانـي
ماهـي غريبـه لوتخليـني مجـروح
وتشوفنـيي قـدام عينـك اعانـي
وماهي غريبه لو تصد عني وتروح
غيرك عطيته ماي عيني ونسانـي
بقولك شغلـه ومـن بعدهـا روح
مومشكله لوخنـت حبـي وحنانـي
الموت كل الموت مع طلعت الروح
لو شفت محبوبك مع شخـص ثانـي
