كراهية العرب لبعضهم الى أين ؟

الموضوع مش عشان انا مصرى او دى تهمنى عن اى بلد تانيه لا والله بس عشان انا عربى ولو اى بلد بيتقال عنها او بيتعمل فيها كده كنت اتكلمت بردوا
(ياريت قبل ما تقرا الموضوع بس فكر لو اللى بيتقال ده يبقى عن بلدك انت)
واسيب لكم الرد
الموضوع من موقع (بص وطل) وده رابط الموضوع للتأكد من صحته :
[ندعوك للتسجيل في المنتدى أو التعريف بنفسك لمعاينة هذا الرابط]

الحكايه كلها مش عشان كوره لا عشان فى كره وحقد ما بين العرب قلوبهم مش عاوزه تصفى لبعض



الحكاية بدأت كده..

"أتمنى من أعماقي أن تخسر مصر آمين يارب، أنا بكره مصر لأن بعضاً من ناسها حاقدين على المنتخبات العربية"
مغربي- المغرب
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
ثم انحرفت إلى كده

"أفيقوا يا أولاد "فيفي عبده" فوزكم على الكاميرون راجع لمشاكل كبيرة موجودة في هذا الفريق وأي منافس آخر غير المصراوية كان سيفوز بنفس النتيجة أو أكثر فلا تغتروا أكثر من اللازم، أما بخصوص منتخب السودان فهو مستعد لمسح تعثره.. على الأقل هو يمتلك إرادة وعزيمة وليس مثلكم بائعي الكلام والشطح واللهو و عباد الجنيه والدولار"
محمد- السودان
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
ثم أصبحت ظريفة لهذه الدرجة

"يارب مصر تخسر، وبالنسبة للمصريين عندي ليهم هدية.. ساندوتش فول بالزيت...ههههههه"
ليلى- المغرب
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _
ثم أصبح شاذاً لهذا الحد

"رغم أنني لا أهتم كثيراً بكرة القدم... ولا يهمني إذا كان الفائز السودان أو مصر.. فهو في النهاية نصر وهمي.. لكني أتمنى من الله أن تنقطع العلاقات بين مصر والسودان إلى الأبد.. وأتمنى أن يقام جدار وحاجز بين السودان ومصر.. حتى نرتاح من أحقاد الفراعنة"
السوداني- السودان
_ _ _ _ _ _ _ _ _ _ _ _ _ _ _ _ _ _ _ _ _ _ _ _ _

حاجة لطيفة خالص زي ما حضرتك شايف

واضح طبعا أن "الطحن" اللي فوق ده مرتبط ببطولة الأمم الإفريقية لكرة القدم المقامة حاليا في غانا..

وواضح طبعا أن "الطحن" اللي فوق ده عبارة عن تعليقات لعدد من القراء المنتمين لأكثر من دولة عربية، وهي التعليقات المنشورة على موقع "العربية.نت" قبل وبعد مباراة مصر والسودان في البطولة..

احكِ لنا بقى شعورك إيه..
بعد ما قرأت التعليقات دي اللي فيها رصاص، ودانات مدافع، وصواريخ، وقصف بالطائرات بين قراء كلهم - وياللمصيبة- عرب بالمناسبة؟

لاحظ بس تطور الهجوم..

التعليق الأول -كتبه مغربي- تمنى الهزيمة لمنتخب مصر مش لأنه فريق وحش لأ.. لأنه "بيكره مصر".. وش كده!.. طب ليه وعشان إيه.. وياترى كان فيه مصريون في الجيش الفرنساوي لما احتل المغرب من سنوات طويلة؟ لأ طبعا.. طب ليه كراهية؟! ماحدش يعرف!

خش بقى على التعليق التاني.. دخلنا في مرحلة "فيفي عبده".. ودي وجهة نظر عربية عن مصر تشبه كتير النظرة الأوربية لمصر برضه.. كتير في أوربا فاكرين مصر عبارة عن شوية "جمال" -جمع جمل- رايحين جايين في طريق صلاح سالم وساعات بيعملوا مشاوير من على الدائري.. وكتير من العرب "الأخوة" متخيلون أن مصر "كباريه" كبير.. وأن كل بنات مصر راقصات.. ودي طبعا وجهة نظر "غبية" لأن الهدف منها هو التجريح من أجل التجريح فقط..

وده برضه مرتبط بالتعليق التالت.. اللي بيتكلم عن أن هدية المصريين ساندوتش فول.. لأ وإيه.. و"ههههههه" كمان!

تعال بقى على التعليق الرابع.. ده كارثة حضرتك.. أولا الأخ اللي كاتبه مش بتاع رياضة.. بس سخن على التعليقات.. وهوب راح قايل حكمة العدد "نقيم حاجز بين مصر والسودان" ليه ياسيد؟.. "عشان نرتاح من أحقاد الفراعنة"!.. كده خبط لزق.. حواجز وأحقاد؟

طب تعال نتكلم بهدوء شوية في الموضوع بعد ما سخنا احنا كمان!

تفتكر إيه السبب اللي بيخلي مباراة كرة قدم عادية بين فريقين عربيين تتحول إلى معركة حربية؟

وليه المباراة دي بتطلع حاجات المفروض ماتطلعش.. وبتمسح كل الكلام الجميل عن "وطني حبيبي الوطن الأكبر"، و"الأمة العربية" والكلام الكبير ده؟

وإيه السبب في إن بعض المصريين لا يتمنون الخير أو التوفيق لبعض الدول العربية التانية حتى ولو كان ده في ماتش كورة؟

وإيه السبب برضه في أن بعض مواطني بعض الدول العربية عندهم رغبة في إلحاق الهزيمة والخسارة لمصر من أول الكورة ولغاية الأمور الكبيرة في السياسة والاقتصاد.. وفي أحيان كتيرة بينظروا إلى المصريين على أنهم "درجة أقل" وماينفعش يطلعوا فوق أصلا؟ -ده الهدية ساندوتش فول حضرتك!-

تفتكر الخلل فين.. والعيب في مين.. والعلاج إيه يعني؟

ولو كنت مصري ورحت دول عربية "شقيقة".. التعامل هناك إزاي ونظرتهم ليك ولمصر إزاي؟

ولو كنت عربي وجيت ضيف علينا في مصر.. شفت المصريين بيبصوا لك إزاي؟ وإيه درجة حبهم واحترامهم لبلدك العربي برضه؟

وليه العلاقة بين المصريين والعرب بقت بالشكل ده.. رغم أننا قبل كده كنا يداً واحدة فعلا.. في الحرب والسلم.. ومصر كان لها دور كبير في دعم الدول العربية سواء بالخبرات الفنية والعلمية في مجالات مختلفة أو حتى بالدعم المالي المباشر.. وفي نفس الوقت كان العرب سنداً حقيقياً لمصر في أوقات صعبة زي حرب 1973 مثلا..

خاصة وأنه مادامت العلاقة بيننا كمصريين وكعرب تدهورت جدا إلى هذا الحد ووصلت إلى هذه المرحلة.. يبقى إسرائيل بقى براحتها تعمل فينا اللي هي عايزاه.. ولا عندك اعتراض؟

الموضوع كبير وخطير ومقلق ويخوف..
والخناقة والكراهية لو كانت على الإنترنت النهارده،
وبسبب ماتش كورة..
ماحدش عارف بكرة إيه اللي هيحصل..

طيب بعد ده كله مينفعش ليه نقرب البعيد ويبقى كلامنا كويس مع بعض وقلوبنا تبقى صافيه لبعض


يارب اهدى الجميع لبعض
احنا بنحب كل الناس ومهما هما يقولوا عنا احنا مش هانتكلم عليهم لاننا مش هانتعصب عشان كوره والدنيا فيها حاجات اكبر من الكوره اسمها (الانسانيه)
وزى ما الضمير العربى بيقول ( ماتت قلوب الناس ماتت بنا النخوه يمكن نسينا فى يوم ان العرب اخوه )
كفايانا جهل بقى (يارب مصر تخسر البطوله اذا كان ده يريحهم بس بلاش الحقد الاعمى ده ) افهموا بقى لما احنا نعمل كده فى بعض الغرب يعملوا فينا ايه ؟


مع تحياتى
romeo

غرام وادمن مشكورين لمروركم تسلموا انا عارف انكم ناس طيبين والله وكويسين واحنا كمان والله بنحب الكل وبنحترمهم وكلامى مش موجه لحد معين بس انتم بنات يعنى مش ليكم التحامات مع ناس كتير بس احنا كشباب اتكلمنا مع ناس كتير ومن بلاد كتير وعرفنا بيتقال عنا ايه فى خارج بلادنا
وعاوز اقولكم حاجه احنا هنا فى مصر بنستضيف اى حد وبنحطه فى عنينا يعنى الكل هنا سواسيه مفيش فرق بين مصرى واى جنسيه عايشه هنا عندنا والدليل تعالوا شوفوا السودانيين عندنا فى كل مكان زيهم زينا بالظبط لدرجة ان فى عندنا والله شارع اسمه (مصر والسودان) وايام محمد على كانت مصر والسودان بلد واحده بس عموما سيبكم من السودانيين شوفوا السعوديين او الخليجيين عموما بيعاملوا المصريين فى بلادهم على انهم عبيد وفى اكتر من دليل اقبح شتيمه توجه للمصريين فى غرف الشات والدردشه وحصلت معايا والله فى دردشه اسمها نيومار (كانت بنت سعوديه سافله واحقر من انى اتكلم عليها ) واحقر معامله للمصريين وكل اللى سافر ورجع بيحكى لنا عن معاملتهم واكيد عشان مظلمش حد كل بلد فيها الكويس والوحش بس للاسف (الوحش لما بيكتر بيغطى على الحلو ) وبردوا مش هاقول ان المصريين كلهم حلوين يمكن تفتكرونى بجامل بس الحمد لله لحد دلوقتى عمرى ما شفت شعب طيبين وبيحبوا كل الناس زى اهل بلدى
وانا عن نفسى والله اتمنى يكون كل العرب اخوان و يد واحده ننصر ونشد أذر بعضنا لحد ماترجع جزيرة العرب زى ايام الرسول (صلى الله عليه وسلم )

غرام احنا كمان بنحبكم والله وبنحس انكم اهلنا حقيقى
ادمن اذا كانت خسارة فريق بلدى للبطوله هاتريحهم وهاتخليهم يبطلوا الحقد والغل ولو ليوم واحد يبقى يارب مصر تخسر كل ماتش
بس للاسف ربنا مش بيريح الحاقد ابدا ومصر لحد دلوقتى احسن منتخب عربي وهايخد بردوا البطوله غصب عن الكل ههههههههههههه
وزى ما انتى قولتى مفيش مشكله