هل موجود صداقات جده بين الشباب والفتايات

السلام عليكم ورحمة الله
اول شي شكراً الك أخي كمال
الموضوع جميل جداً
الصداقة بتكون جاده بين الشبان والفتيات
لما يكون هناك شي يسمى " حدود بينهم "
شو يعني حدود انه متلا ما في كلام غزل ومن هالحكي
او انه اللمس بين الشب والصبية
متلا احنا كنا ولاد صفي وبنات صفي بالثانوية العامة
كنا كتير اصدقاء بس ما بكدب عليك كان هناك في لمس بين البنات والشباب
بس انا ما بخليهم يلمسوا او حتى يقربوا مني كتير
وفي كتير مواقف انا انحرجت وهني انحرجوا بسبب هالشغله واكتر شي بسبب التسليم !!

مرات متلا اكون جالسة بيجي ابن صفي وابن صفي شب يجي يقعد متلا بجنبي
مش قصدو شيء بالعكس كنا متل اخوة
ولانه بالمدرسة عنا عادي شب وصبية يكونوا جالسين بجنب بعض
انا شو بعمل اقعد شوي وهيك اصير اقول يييه عطشانة رح روح اشرب مي
او بدي اروح وارجع يعني علشان اتجنب كل هالمواقف هي
واتجنب الحكي الي رح ينحكى عني كوني محجبه و ووووو...

الصداقة حلوة كتير
بس لازم البنت او الشب يعرفوا مدى الصداقه هي لاي مدى رح توصل
وبيعرفوا كيف يتعاملوا معهـا ..

والسلام عليكم ورحمة الله
ارق تحياتي لك أخي كمال لما تبذله من جهد
ولا حرمنا الله من مواضيعك الآخاذه
دمتَ بكل خير ،

دمعة صمتـ ..