مميزات أحلى منتدى ((فلجة))

أنا راح بلش الأول بما إني كاتب الموضوع
والله وبصرحة أنا كنت بالأول مسجل بمنتدى أخر (بلا ذكر أسماء)وكان أول منتدى بسجل فيه بس للأسف كان المنتدى مليان أعضاء يعني ما بتلحق تكتب مساهمة حتى يكون انكتب بعدك بنفس اللحظة 3مشاركات على الأقل لهيك ما عجبني المنتدى ومرة وصلتني رسالة من عضو من المنتدى يلي كنت مسجل فيه وقال إذا بتحب تنضم لمنتدى فلجة أنا بصرحة أولا سجلت بس ما شاركت أبدا لحتى فعلا مليت من المنتدى يلي مسجل فيه وحبيت شوف منتدى فلجة بس عنجد تفاجأت بل المنتدى لأنو منظم وكل الأعضاء يلي متواجدين كانوا متل الأخوة ويمكن أعز وهي بعتبرا من أكتر مميزات هل المنتدى أهمية يعني نحنا شفنا كتير من المرات إذا مرض واحد من الأعضاء فورا منطمن على صحتو لك حتى التواقيع منغيرها ومنحد بدالها أدعية للشفاء
وحتى إذا غاب عضو لفترة فورا بتشوف رسائل خاصة عم تطمن عليك كمان
وطبعا أهم ميزة بضمها هل المنتدى إنو بحط الأخلاق بالمرتبة الأولى يعني ما منشوف هل الأعضاء يلي مافيهون أخلاق متل كتير من المنتديات الأخرى
والأخلاق بشوفون عند الأعضاء كلون والحمدلله

فكره حلوة كتير هيرو ..

بالنسبه الي كنت مسجله بمنتدى تاني جد جد كرهتو لان العالم يلي هنيك عقلها .......................
خبرتي الادمين "ساره" انها رح تعمل منتدى وسجلت فيه جد جد حبيتو كتير عكس هذاك المنتدى تماما ناس متعاونه مع بعضها لو واحد غلط فينا التاني بنبهو وبسألو عن بعضهم يعني متل الاخوه واهم الشي الاحترااااااام المتبادل ..
إذا يوم واحد ما طليت على فلجه بلكي بمووووت لان بحبكن كتتييييير

شكرا كتييييييييييييييير
جميلة وغرام على الرد بموضوعي وعلى إبداء أراأكون
بس المهم الأعضاء يعجبهون ويشاركو

الله يعافيكي دمعه

موضوع كتير حلو يا هيرو
وانا كمان كنت مسجله بمنتدى تاني وكان اول منتدى بسجل فيه وتعرفت فيه على ساره وجموله وشجون عمان وغيرهم وساره قالتلي عالماسنجر انو حتعمل منتدى وبدها مساعدتنا فشاركت
منتدى فلجه منتدى رائع عنجد الاعضاء متل الاخوه فيه والكل بيهمه مصلحة باقي الاعضاء
والاداره عنجد روعه ومتعاونه والاخلاق في عاليه كتير

شكرا على الموضوع هيرو وعلى هالفكرة الحلوة هي
انا ماكنت مسجلة باي منتدى ولا حتى كان عندي ايميل واكيد انتوا بتعرفوا انو اتعرفت على المنتدى عن طريق اختي سارة
الله يخليها يارب حتي هي يلي ساوتلي الايميل وسجلتني وعلمتني كتير شغلات وانا وقت تسجلت كنت فرحانة كتير بالاعضاء المميزين يلي استقبلوني و عاملوني متل اختهم فانا حبيت تعامل الاعضاء مع بعضهم وتعاونهم واحترامهم لبعض وانا لهلا مبسوطة بالمنتدى والحمد لله

شكرا كتير ريد روز وسارة وميمو على المشاركة

انا مش عارف اقول ايه بس انا لما المنتدى بتاعى اتسرق زعلت عليه اوى ولما عرفت ان سارة عملت منتدى جديد وفيه كل اخواتى اللى كانوا معايا فى المنتدى مفوتش الفرصة واشتركت وادينى اهو بحاول ادخل كل يوم
شكرا على موضوع هيرو