من طرف Admin السبت أبريل 02, 2011 4:33 pm
يا اهلين صلاح كيفك وكيف الوضع بمصر؟؟
ياسيدي بشارنا الناس بيحبوه لشخصو... يعني بحبو الانسان البني آدم بشار
بس للأسف نفس السيناريو اللي صار بكل البلدان عميتكرر عنا
ولحد الآن مافي شي واضح وكل القنوات بما فيهم السورية عمتكذب وتلفق وتخبي امور
القصة ابتدت من درعا بسبب ظلم مدير فرع امن درعا و اعتقالو 15 طفل كتبو بالبخاخات عبارات معارضة للنظام
وللأسف اخدهم و حسب مافهمت رجعهم مشوهين اصابعهم ومابعرف شو كمان
وياريت رجعهم بسهولة رجهعم بعد ماصار مية مشكلة
وعلى قولة بعضهم ان الاطفال انعرض عليهم كل واحد 10 آلاف ليرة مقابل انهم يكتبو بالبخاخات وبظن انو مات طفلين ... مابعرف وهيك بلشت القصة
والمشكلة انو حتى هون بدمشق العالم ضايعة وموعرفانة شو القصة و شو لازم يعملو...
والتوكل على الله
انا من الناس اللي بحب الدكتور لشخصو.. بس في اشياء صعب الواحد يحكي عنها
شكرا لسؤالك وتحياتي لالك ولكل اهل مصر